Бүген, 30 декабрьдә, артистларыбыз, "Театр – авылга!" проекты кысаларында, Түбән Кама районының Югары Чаллы авылында укучылар белән иҗади очрашуда булып кайтты. Балалар Владимир Лифшиц һәм Ирина Кичанова пьесасы буенча куелган «Мираликундия. Серле гиппопотам» спектаклен карадылар. Кыш бабай алдында шигырьләре, җыр-биюләре белән чыгыш ясап, күчтәнәчләреннән авыз иттеләр.   
  Кадерле яшь дусларыбыз! Бүген сезнең белән булган очрашуга без бик шат! Сезгә матур, файдалы, эчтәлекле кышкы яллар телибез! (2025)