2025 елның 27 мартыннан 4 апреленә кадәр Түбән Камада өченче тапкыр «Россиянең нефть, газ, химия шәһәрләре театр атналыгы» уза. Шәһәрнең өч мәдәни мәйданчыгында: Халык иҗаты йорты, Т.Миңнуллин исемендәге Түбән Кама татар дәүләт драма театры һәм "Җәлил" театр комплексында 15 спектакль күрсәтеләчәк.

   Атналыкны, традиция буенча, безнең театр ачып җибәрде. 27 мартта, Бөтендөнья театр көнендә, Халык иҗаты йортында Б.Васильев повесте буенча куелган «Ә таңнар гүзәл тынлыкта иде...» драмасын күрсәттек. (2025)