5-11 июньдә Казанда XVI "Нәүрүз" халыкара театр фестивале узачак һәм ул Төньяк Кавказ халыклары театрларына багышланачак.

    Бу елгы фестиваль Россия Федерациясе республикаларыннан (Татарстан, Алтай, Адыгея, Чечен, Төньяк Осетия-Алания, Кабарда-Балкар, Дагыстан, Саха-Якутия, Тыва, Чувашстан, Башкортстан), Казахстан, Үзбәкстан, Кыргызстан, Төркиядән театраль коллективларны җыячак. 

   Сөенечле хәбәр!!! Безнең театр да XVI "Нәүрүз" халыкара театр фестивалендә катнаша: "Аксак" спектакле "Тантана" театраль премиясенең Эксперт советы сайлап алуын узды! Мансур Гыйләҗевның “Бичура” пьесасы буенча куелган “Аксак” спектаклен 10 июньдә Габдулла Кариев исемендәге Татар дәүләт яшь тамашачы театрында сәгать 17.00 дә  күрсәтәбез! Режиссеры – Башкортстанның атказанган артисты Фиргат Гарипов. Спектакль «Бердәм Россия» партиясенең  «Россиянең кече шәһәрләре театрлары» федераль проекты ярдәмендә 2022 елда куелды. (2023)