2021 елда Туфан Миңнуллин исемендәге Түбән Кама татар дәүләт драма театрында «Бердәм Россия» партиясенең «Россиянең кече шәһәрләре театрлары» федераль проекты ярдәмендә 2 спектакль дөнья күрәчәк. Алар Сәгыйть Рәмиевның шул исемдәге шигыре буенча куелачак «Таң вакыты» поэтик драмасы һәм Рөстәм Галиевның Татарстанның халык рәссамы Әхсән Фәтхетдиновка багышланган «Ияләр» драма-эссесы.

Хәзер «Таң вакыты» спектакленең репетицияләре бара. Спектакльнең режиссеры Туфан Имаметдинов, рәссамы Лилия Имаметдинова, сәхнә хәрәкәтләрен Марсель Нуриев куя.