Игътибар, “Ел артисты” бәйгесе!

Хөрмәтле укучыларыбыз, күптән түгел “Ел артисты” бәйгесен игълан иткән идек. Тик тавышлар гадел җыелмау сәбәпле, бәйгебезне туктатып торырга булдык. Бүгеннән “Ел артисты” бәйгесен яңадан башлап җибәрәбез. Моның өчен һәр тавыш биргән кеше яраткан артистының исемен комментарий итеп язып калдырырга тиеш була. Әмма шунысына игътибар итегез! Көненә бары тик бер компьютердан бер генә тапкыр тавыш бирергә һәм бер генә тапкыр фикер калдырырга ярый. Әгәр бер үк кеше берничә фикер язып калдыра икән, бу инде исәпләнмәячәк. Тавыш бирү ярдәмендә сайлап алу этабы бер ай бара. Димәк, бәйгебез дәвам итә, уңышлар сезгә!